🔥 الشرح الكامل لفيزا Au Pair لألمانيا من A إلى Z اسهل طريقة البنات باش تمشيوا لالمانيا (2025) 🔥
هذا هو الموضوع اللي كيتسول عليه بزاف ديال البنات
👩🦰، وغادي نشرحو اليوم خطوة بخطوة — من كيفاش تلقاي العائلة حتى كيفاش تتصرفي معاهم، والحقوق والعيوب اللي خاصك تعرفيها قبل ما تمشي. 👇
🇩🇪 أولاً: شنو هي فيزا Au Pair؟
فيزا Au Pair هي فيزا مخصصة للشباب (18 حتى 26 سنة) اللي بغاو يعيشو مع عائلة ألمانية باش يعاونوها فالأطفال ويتعلمو اللغة والثقافة الألمانية.
👉 الهدف منها تبادل ثقافي ولغوي، ماشي خدمة ولا استغلال.
🧾 الوثائق المطلوبة لملف السفارة:
جواز سفر صالح لمدة 12 شهر على الأقل.
جوج نسخ من جواز السفر.
استمارة طلب الفيزا معمّرة وموقعة.
عقد Au Pair (Vertrag) موقّع بينك وبين العائلة الألمانية.
Motivationsschreiben بالألمانية (علاش بغيتي تكوني Au Pair).
CV بالألمانية (السيرة الذاتية).
شهادة دراسية (الباك أو آخر مستوى قريتي).
شهادة لغة ألمانية على الأقل A1 (يفضّل A2 باش تكوني مرتاحة).
صورتان بيومتريك.
تأمين صحي مؤقت للسفر (حتى توصلي، العائلة كتدبر التأمين الطويل).
رسوم الفيزا: تقريباً 75 €.
⚙️ الخطوات العملية للحصول على الفيزا:
قلب على عائلة مضيفة في مواقع موثوقة:
aupair.com
aupair-world.net
greataupair.com
منين تلقاي عائلة مناسبة، ديري معاهم مقابلة بالفيديو.
إلا توافقوا، كيصيفطو ليك العقد (Vertrag) موقّع.
جمعي كل الوثائق اللي ذكرناها.
حجزي موعد في السفارة الألمانية فالرباط عبر الموقع الرسمي.
قدّمي الملف فالموعد وخلّصي الرسوم.
تْسناي القرار (من 4 حتى 8 أسابيع).
ملي توصلك الفيزا → شري التذكرة وسافري. ✈️
⚖️ الحقوق ديالك في ألمانيا:
🏠 السكن والمكلة مجاناً عند العائلة.
💶 مصروف شهري: بين 280 و350 يورو.
🗓️ عطلة أسبوعية: يوم ونص على الأقل.
☀️ إجازة سنوية مدفوعة: حوالي 4 أسابيع.
🩺 تأمين صحي مغطى من طرف العائلة.
📚 كورسات لغة ألمانية العائلة كتعاونك فيها مادياً أو بالتسجيل.
⏳ المدة والتحويل لمسارات أخرى:
مدة الفيزا غالباً 12 شهر.
بعد ما تسالي العام، تقدر:
تبدلي الوضع إلى فيزا Ausbildung (تكوين مهني).
أو فيزا دراسة.
أو عمل تطوعي (FSJ).
يعني ممكن تكوني Au Pair بوابة لمستقبل مهني في ألمانيا. 🇩🇪✨
💬 المقابلة مع العائلة (Interview):
خلي عندك حضور وشخصية إيجابية 🌸
تكلمي ببساطة، بالألمانية اللي كتعرفيها (حتى لو A1، عادي)
🎯 نصائح مهمة:
جاوبي بثقة وابتسامة.
عبّري أنك كتقدّري الأطفال، كتحبي التعامل معاهم.
بيّني أنك منضبطة ونظيفة وكتعرفي تتحملي المسؤولية.
ما تسوليش مباشرة على الفلوس أو الإجازة فالمكالمة الأولى.
سوليهم على الأطفال، العادات اليومية، المدينة، اللغة… باش تباني مهتمة.
🗣️ أمثلة أسئلة ممكن يسولوك:
Warum möchten Sie Au Pair in Deutschland werden?
(علاش بغيتي تكوني Au Pair في ألمانيا؟)
Haben Sie Erfahrung mit Kindern?
(واش عندك تجربة مع الأطفال؟)
Was machen Sie in Ihrer Freizeit?
(شنو كديري فوقات الفراغ؟)
🚨 الجوانب السلبية والمخاطر:
صحيح التجربة زوينة ولكن ماشي ديما مثالية 👇
بعض العائلات ممكن تستغل الوقت ديالك بزاف أو تعاملك ببرود.
ممكن تحسي بالوحدة أو الاختلاف الثقافي.
بعض الحالات فيها عدم احترام أو سوء معاملة، ولكن
نادرة.
⚠️ المهم: العائلة ماشي كفيل بحال الخليج و خدامة عند
بعض العرب حشاك!
فيزا Au Pair كتخليك مستقلة قانونياً، وعندك نفس الحقوق بحال أي مقيم قانوني فـ ألمانيا.
إذا تعرضت لأي إهانة أو استغلال:
تواصلي مع المنظمة اللي سجلتي فيها.
أو مع مكتب الـ Jugendamt (مكتب حماية الشباب) في مدينتك.
أو مع السفارة المغربية في برلين.
💡 نصائح ذهبية:
ترجمي جميع الوثائق المطلوبة للألمانية عند مترجم معتمد.
نظّمي الملف بطريقة احترافية.
خليه كامل بالألمانية (CV, Motivationsschreiben, Vertrag).
استعدي نفسيًا وثقافيًا لتجربة جديدة: تعلمي كلمات عن الأطفال، الأكل، الأنشطة اليومية بالألمانية.
سيري وهدفك واضح: تطوري لغتك وتفتحي باب لمستقبلك. 🌍